الشّمعة كمال مسعودي

 

انتِ يا الشّمعة
حَد ما درى لَك بالقراح
انتِ يا الشّمعة
حَد ما درى لَك بالقراح .القراح
وِ لا درى ما تجرّعي في ليلة ،في ليلة
انتِ يا الشّمعة
حَد ما درى لّك بالقراح

انتِ يا الشّمعة
حَد ما درى لّك بالقراح
وِ لا درى ما تجرّعي في ليلة

الغير .الغير تزيّني لـُه الافراح
وانتِ فانية بدموعك هطيلة .هطيلة
أنا ونيسَك حتّى للصَّباح
نحكيو الاثنين على همومنا الطّويلة
الطّويلة ...

مالي مالي ومال الشّمعة
ما ضوّات لي في ظلام
مالي مالي ومال السَّعد
ما سڨّم لي ليّام
مالي مالي ومال الشّمعة
ما ضوّات لي في ظلام
مالي مالي ومال السَّعد
ما سڨّم لي ليّام
 
 
حتّى نصيب ما فرَّحني
نسّاني في ليّام
اللّي مضاو عنّي مرار
خبّلني تخمام
  
حتّى نصيب ما فرَّحني
نسّاني في ليّام
اللّي مضاو عنّي مرار
خبّلني تخمام

سقمي دام بِي يا مُقام
بَدّل حلمي باوهام
لا طالب ولا طبيب
عالج ليّا الاسقام

نوم هاني يا اللّيل
أنا عليك عَسّاس
المبنيّين عَ الخدع
حرمُو لي نُعاس
ما تمنّاوه صار قامو
عليها الاعراس
من يدّهم شربت المَرار
كاس يتبّع كاس

مالي مالي ومال شمسي
غطّاوها الغيوم
مالي مالي ومال سمايا
ما قعدت فيه نجوم
مالي مالي ومال شمسي
غطّاوها الغيوم
مالي مالي ومال سمايا
ما قعدت فيه نجوم

مالي مالي ومال الشّمعة
ما ضوّات لي في ظلام
مالي مالي ومال السَّعد
ما سڨّم لي ليّام
مالي مالي ومال الشّمعة
ما ضوّات لي في ظلام
مالي مالي ومال السَّعد
ما سڨّم لي ليّام
 
 
بلا شفقة يا عيني اِبكي
و دموعك زرّاب
من فيك ترسّخ وصفـُه
عاد عليك هرّاب
 
بلا شفقة يا عيني اِبكي
و دموعك زرّاب
من فيك ترسّخ وصفـُه
عاد عليك هرّاب

حليلك يا القلب اتّكوى
الجمر فيك لهّاب
الفرقة من بعد الولاف
ما كان كيفهم صعاب

علاش كي تونّست بيك
جاو حسدوني فيك
ما عذروني ما ذاقُو
ذوقة لا يبغيك

روحي روحي يا العذراء
و انساي مَن يبغيك
هذا حقّنا من الله
كتبُو عليّا وعليك

مالي مالي ومال شمسي
غطّاوها الغيوم
مالي مالي ومال سمايا
ما قعدت فيه نجوم
مالي مالي ومال شمسي
غطّاوها الغيوم
مالي مالي ومال سمايا
ما قعدت فيه نجوم

مالي مالي ومال الشّمعة
ما ضوّات لي في ظلام
مالي مالي ومال السَّعد
ما سڨّم لي ليّام
مالي مالي ومال الشّمعة
ما ضوّات لي في ظلام
مالي مالي ومال السَّعد
ما سڨّم لي ليّام
 
 
ضميري طاير في الرّياح
ما عرفتُه وين راح
حليل من حالُه كِي حالي
ما عرف الاِنشراح
 
ضميري طاير في الرّياح
ما عرفتُه وين راح
حليل من حالُه كِي حالي
ما عرف الاِنشراح

من هاذ الهموم يا و خَيي
أنا باغي نرتاح
نهنّي جسمي العليل
و نعالج الَجراح

نوب عليّا يا الله
نوبة تجي في الصّواب
كل سؤال اللّي طرحته
ما لحقوني بجواب
حتى الصّحاب اللّي ظنّيت
في وقت الضّيق تنصاب
اللّي قصدتُه للميعاد
في وجهي غلق الباب

مالي مالي ومال شمسي
غطّاوها الغيوم
مالي مالي ومال سمايا
ما قعدت فيه نجوم
مالي مالي ومال شمسي
غطّاوها الغيوم
مالي مالي ومال سمايا
ما قعدت فيه نجوم

مالي مالي ومال الشّمعة
ما ضوّات لي في ظلام
مالي مالي ومال السَّعد
ما سڨّم لي ليّام
مالي مالي ومال الشّمعة
ما ضوّات لي في ظلام
مالي مالي ومال السَّعد
ما سڨّم لي ليّام .ليّام